Лукашэнка адзначыў гаспадарскі падыход да зямлі і захаванне тэхналогій аграрыямі Міншчыны
20 верасня, Мінск . Прэзідэнт Беларусі Аляксандр Лукашэнка павіншаваў удзельнікаў і гасцей абласнога фестывалю-кірмашу «Дажынкі-2025» у Заслаўі. Аб гэтым паведамілі ў прэс-службе беларускага лідара.
«Па добрай традыцыі ў гэты святочны дзень мы ад душы ўшаноўваем працаўнікоў сельскай нівы, дзякуючы якім у беларусаў заўсёды ёсць хлеб на стале», — гаворыцца ў віншаванні.
Прэзідэнт звярнуў увагу, што каравай Міншчыны ў гэтым годзе важыць больш за 2 млн т, што з’яўляецца чацвёртай часткай рэспубліканскага намалоту і самым вялікім укладам з усіх рэгіёнаў краіны. «Рэкордная ўраджайнасць і добрыя паказчыкі практычна ў кожным раёне вобласці з’яўляюцца яскравым сведчаннем гаспадарскага падыходу да зямлі і захавання тэхналогій», — падкрэсліў ён.
Асаблівыя словы ўдзячнасці кіраўнік дзяржавы адрасаваў камбайнерам і вадзіцелям, якія прадэманстравалі выдатныя вынікі на айчыннай тэхніцы.
Аляксандр Лукашэнка перакананы, што і ў далейшым агульныя намаганні тых, хто заняты ў аграпрамысловай сферы, дапамогуць вобласці захаваць ганаровы статус жытніцы рэспублікі.
«Няхай нашы бязмежныя залатыя палі заўсёды каласяцца пад мірным небам. Жадаю вяскоўцам Міншчыны моцнага здароўя, цудоўнага настрою, нязменна шчодрых ураджаяў і поспехаў на карысць роднай Беларусі», — сказаў на заканчэнне Прэзідэнт.
Віншаванне Прэзідэнта Беларусі ўдзельнікам і гасцям «Дажынак-2025» у Заслаўі
Удзельнікам і гасцям абласнога фестывалю-кірмашу «Дажынкі-2025» у г.Заслаўі
Паважаныя хлебаробы Мінскай вобласці!
Сардэчна віншую вас з паспяховым завяршэннем уборачнай кампаніі.
Па добрай традыцыі ў гэты святочны дзень мы ад душы ўшаноўваем працаўнікоў сельскай нівы, дзякуючы якім у беларусаў заўсёды ёсць хлеб на стале.
Каравай Міншчыны ў гэтым годзе важыць больш за 2 мільёны тон. Гэта чацвёртая частка рэспубліканскага намалоту і самы вялікі ўклад з усіх рэгіёнаў краіны. Рэкордная ўраджайнасць і добрыя паказчыкі практычна ў кожным раёне вобласці з’яўляюцца яскравым сведчаннем гаспадарскага падыходу да зямлі і захавання тэхналогій.
Асаблівыя словы ўдзячнасці адрасую камбайнерам і вадзіцелям, якія прадэманстравалі выдатныя вынікі на айчыннай тэхніцы.
Перакананы, што і ў далейшым агульныя намаганні тых, хто заняты ў аграпрамысловай сферы, дапамогуць вобласці захаваць ганаровы статус жытніцы рэспублікі.
Няхай нашы бязмежныя залатыя палі заўсёды каласяцца пад мірным небам.
Жадаю вяскоўцам Міншчыны моцнага здароўя, цудоўнага настрою, нязменна шчодрых ураджаяў і поспехаў на карысць роднай Беларусі.
Аляксандр Лукашэнка
20 верасня 2025 года.
