Туск заявіў, што Польшча адкрые пагранпераходы на граніцы з Беларуссю
Фота з архіва
23 верасня, Мінск /Кар. БЕЛТА/. Прэм’ер-міністр Польшчы Дональд Туск заявіў, што Варшава адкрые закрытыя з 12 верасня пагранпераходы на граніцы з Беларуссю. Аб гэтым паведамляе польскі партал Onet.
«Мы прынялі рашэнне сумесна з міністрам унутраных спраў, які сёння выдасць адпаведнае распараджэнне аб адкрыцці чыгуначных і аўтамабільных пагранічных пераходаў з Беларуссю», — заявіў Туск.
Удакладняецца, што пагранпераходы будуць адкрыты ў 0.00 25 верасня па мясцовым часе (1.00 25 верасня па мінскім часе).
У ноч на 12 верасня Польшча поўнасцю закрыла граніцу з Беларуссю «да далейшага інфармавання». Кіраўнік МЗС Беларусі Максім Рыжанкоў адзначаў, што закрыццём граніцы Варшава падлажыла міну пад адносіны з іншымі краінамі. Улады Польшчы таксама прызнавалі, што прыпыненне прыгранічнага руху з’яўляецца праблемай для перавозчыкаў.-0-
