У Беларусі стартаваў агульнарэспубліканскі маладзёжны кірмаш вакансій
Фота з архіва
22 красавіка, Мінск . II Агульнарэспубліканскі кірмаш вакансій для моладзі стартаваў у Беларусі, .
Як паведамлялася раней Міністэрствам працы і сацыяльнай абароны, у кірмашы прыме ўдзел амаль 2,4 тыс. наймальнікаў розных сфер дзейнасці, якія прадставяць, паводле папярэдніх даных, больш за 25 тыс. свабодных рабочых месцаў.
У ведамстве таксама дадалі, што кірмаш у кожным абласным горадзе і ў вялікіх гарадах з колькасцю насельніцтва звыш 50 тыс. чалавек будзе праходзіць не менш за тры дні, а ў невялікіх рэгіёнах — на працягу двух дзён. Так, у 12.00 кірмаш адкрыўся ў Пінску, Ноўцы і Лоеве. А ўжо ў 14.00 ён адкрые свае дзверы моладзі з Кобрына, Лепеля, Нароўлі і іншых населеных пунктаў.
Удзельнікамі мерапрыемства сталі вядучыя работадаўцы кожнай вобласці: прадпрыемствы прамысловасці, арганізацыі гандлю, гасцінічнага і рэстараннага бізнесу, лясной і сельскай гаспадаркі. У Мінску, напрыклад, маладым людзям прапанавалі папрацаваць у цэхах МАЗа. У Барысаўскім раёне можна стаць часткай калектыву «БЕЛДЖЫ». У абавязкі супрацоўніка будзе ўваходзіць камплектаванне, сартаванне, распакоўка вырабаў і інструменту. Можна знайсці работу на любы густ: касір, афіцыянт, повар і многае іншае.
Мэта кірмашу — садзейнічанне ў працаўладкаванні не толькі навучэнскай моладзі ў свабодны ад вучобы час, але і выпускнікоў навучальных устаноў. «Маладыя людзі змогуць прайсці гутарку з работадаўцамі, атрымаць кансультацыі па садзейнічанні ў працаўладкаванні і прайсці прафесійнае тэсціраванне для выбару далейшай кар’ернай траекторыі», — адзначылі ў Мінпрацы.
Акрамя таго, для навучэнцаў будзе арганізавана тэматычнае мерапрыемства па растлумачэнні заканадаўства, якое рэгулюе занятасць моладзі, — «Сем крокаў да працаўладкавання». Маладыя людзі таксама змогуць пратэсціраваць сябе з выкарыстаннем сэрвісу Мінпрацы «Крок у прафесію», які размяшчаецца на партале дзяржаўнай службы занятасці. «Крок у прафесію» — гэта маштабны лічбавы рэсурс па прафесійнай арыентацыі для ўсіх грамадзян незалежна ад узросту», — падкрэслілі ў ведамстве.
Рэспубліканскі кірмаш вакансій прадоўжыцца да 26 красавіка.
