Беларус Качэўскі стаў бронзавым прызёрам Кубка Расіі па кулявой стральбе
Фота з архіва
14 жніўня, Мінск . Аляксандр Качэўскі прынёс беларускай камандзе першы медаль адкрытага Кубка Расіі па кулявой стральбе, які праходзіць у падмаскоўным Ігнатаве,
У першы дзень турніру адбыліся спаборніцтвы ў стральбе з малакалібернай вінтоўкі з трох пастаў на 50 м (МВ-5) у мужчын і ў стральбе з пнеўматычнай вінтоўкі стоячы на 10 м (ВП-6) сярод жанчын. Трэці вынік у мужчынскім фінале паказаў Аляксандр Качэўскі: беларус набраў 405,5 бала і ўступіў толькі прызёру Алімпійскіх гульняў Сяргею Каменскаму і чэмпіёну Расіі Андрэю Галаўкову.
14 жніўня ў Ігнатаве спартсмены разыграюць медалі ў аналагічных відах праграмы, толькі на гэты раз дзяўчаты вызначаць лепшых у практыкаванні МВ-5, а хлопцы — у практыкаванні ВП-6. Адкрыты Кубак Расіі па кулявой стральбе з удзелам беларусаў прадоўжыцца па 20 жніўня.
