Беларусь заявіла аб жаданні далучыцца да Дагавора аб дружбе і супрацоўніцтве ў Паўднёва-Усходняй Азіі
Фота МЗС
6 жніўня, Мінск . Міністр замежных спраў Беларусі Максім Рыжанкоў 6 жніўня ў час візіту ў Інданезію правёў перагаворы з генеральным сакратаром Асацыяцыі дзяржаў Паўднёва-Усходняй Азіі Каа Кім Хорнам. Аб гэтым паведамілі ў прэс-службе МЗС.
Бакі намецілі планы па актывізацыі ўзаемадзеяння. Максім Рыжанкоў таксама падкрэсліў, што ўмацаванне сувязей па лініі ЕАЭС — АСЕАН з’яўляецца адным з ключавых напрамкаў дзейнасці для беларускага боку ў рамках старшынства ў Еўразійскім эканамічным саюзе ў 2025 годзе.
Беларускі бок пацвердзіў зацікаўленасць у далучэнні да Дагавора аб дружбе і супрацоўніцтве ў Паўднёва-Усходняй Азіі (ТАС), а таксама ў прадаўжэнні канструктыўнага дыялогу з дзяржавамі — членамі і партнёрамі АСЕАН.
TAC з’яўляецца мірным дагаворам, падпісаным у 1976 годзе краінамі — членамі АСЕАН у мэтах усталяваць кодэкс паводзін паміж краінамі рэгіёна, пашыраць вечны мір, дружбу і супрацоўніцтва на аснове ўзаемнай павагі, неўмяшання ў справы адзін аднаго і мірнага вырашэння канфліктаў.
