Хакеісты «Дынама» перамаглі «Тарпеда» на Кубку мэра Масквы
Фота ХК «Дынама-Мінск»
29 жніўня, Мінск . Хакеісты мінскага «Дынама» ўдала стартавалі на Кубку мэра Масквы з удзелам шасці каманд КХЛ,
У першым матчы на турніры падапечныя Дзмітрыя Квартальнава, якія выступалі ў групе «Б», сустракаліся з ніжагародскім «Тарпеда». Стартавая трэць завяршылася ўнічыю 1:1, голам у складзе «зуброў» вызначыўся Ілья Усаў. У другім перыядзе мінчане адарваліся на дзве шайбы: спачатку віншаванні ад партнёраў прымаў навічок сталічнага клуба Алекс Лімаж, пасля чаго вызначыўся Джош Брук.
У пачатку заключнага адрэзка гульні ніжагародцы ўсталявалі парытэт, але роўныя лічбы пратрымаліся на табло нядоўга. «Бела-блакітныя» закінулі чатыры шайбы за сем хвілін, аўтарамі дакладных кідкоў сталі Сэм Энас, Данііл Сатышвілі, Вадзім Мароз і Віталь Пінчук. Вынік матчу — 7:3 на карысць «Дынама».
30 жніўня зубры згуляюць з маскоўскімі аднаклубнікамі, якія напярэдадні былі мацнейшыя за «Тарпеда» з лікам 1:0. Сустрэча стартуе ў 18.30. У выпадку перамогі мінчане выйдуць у фінал турніру, паражэнне ж адправіць нашу каманду ў матч за трэцяе месца. Абодва паядынкі за медалі запланаваны на 31 жніўня.
