Колькі сельгаспрадукцыі атрымалі ў Беларусі за студзень-ліпень гэтага года
Фота з архіва
15 жніўня, Мінск . У Беларусі ў студзені — ліпені 2025 года ў гаспадарках усіх катэгорый вытворчасць прадукцыі сельскай гаспадаркі ў бягучых цэнах склала Br16,1 млрд, або ў супастаўных цэнах 87,3 працэнта да ўзроўню студзеня — ліпеня 2024 года. Аб гэтым паведамілі ў Белстаце.
У сельскагаспадарчых арганізацыях атрымана прадукцыі на Br15,6 млрд, або ў супастаўных цэнах 88,6 працэнта да ўзроўню адпаведнага перыяду папярэдняга года.
«Зніжэнне тэмпу вытворчасці абумоўлена больш познімі тэрмінамі пачатку ўборкі і нарыхтоўкі кармоў у бягучым годзе. Пры гэтым ураджайнасць збожжа вышэйшая за ўзровень мінулага года», — растлумачылі ў Белстаце.
У гаспадарках усіх катэгорый атрымана жывёлы і птушкі (у жывой вазе) 1054,5 тыс. т, малака — 5393,8 тыс. т, яек атрымана 2296,9 млн штук. На долю сельскагаспадарчых арганізацый прыпадае 97,7 працэнта аб’ёму вытворчасці жывёлы і птушкі (у жывой вазе), малака — 98 працэнтаў, яек — 86,8 працэнта.
На 1 жніўня 2025 года ў сельскагаспадарчых арганізацыях налічвалася 4 млн галоў буйной рагатай жывёлы, у тым ліку кароў — 1,4 млн галоў. Колькасць свіней склала 2 млн.
