Леўшуноў згуляў у матчы адкрыцця сезона Нацыянальнай хакейнай лігі
Арцём Леўшуноў. Фота з архіва sport5.by
8 кастрычніка, Мінск . У ноч з аўторка на сераду па мінскім часе ў ЗША стартаваў новы сезон Нацыянальнай хакейнай лігі,
У першым матчы рэгулярнага чэмпіянату дзеючыя чэмпіёны НХЛ з «Фларыды» прымалі «Чыкага», за які выступае беларускі абаронца Арцём Леўшуноў. Паядынак закончыўся перамогай уладальніка Кубка Стэнлі з лікам 3:2. 19-гадовы беларус правёў на лёдзе 16 з палавінуй мінут, нанёс чатыры кідкі, выканаў два сілавыя прыёмы, двойчы парушыў правілы і закончыў сустрэчу з паказчыкам карыснасці «+1».
Таксама сёння «Пітсбург» на выездзе абаграў «Рэйнджэрс» (3:0), а «Лос-Анджэлес» дома ўступіў «Каларада» (1:4). Гэтымі днямі ў клуб з Дэнвера перайшоў беларускі абаронца Ілья Салаўёў, які пакуль не далучыўся да саставу. «Калгары» Ягора Шаранговіча і «Вашынгтон» Аляксея Протаса пачнуць новы сезон бліжэйшай ноччу.
