Лукашэнка разлічвае на актывізацыю кантактаў з Сінгапурам і плённую рэалізацыю сумесных праектаў
Фота з архіва
9 жніўня, Мінск . Прэзідэнт Беларусі Аляксандр Лукашэнка павіншаваў Прэзідэнта Рэспублікі Сінгапур Тармана Шанмугаратнама і ўсіх грамадзян гэтай краіны з нацыянальным святам — Днём Незалежнасці. Аб гэтым паведамілі ў прэс-службе беларускага лідара.
«Ваша краіна — перспектыўны эканамічны партнёр Беларусі ў рэгіёне Паўднёва-Усходняй Азіі. Пацвярджаю нашу зацікаўленасць ва ўмацаванні беларуска-сінгапурскага супрацоўніцтва, заснаванага на прынцыпах дружбы, даверу і ўзаемнага ўліку інтарэсаў. Разлічваю на актывізацыю двухбаковых кантактаў на ўсіх узроўнях, а таксама на плённую рэалізацыю сумесных гандлёва-эканамічных праектаў на карысць абедзвюх краін», — гаворыцца ў віншаванні.
Аляксандр Лукашэнка пажадаў Тарману Шанмугаратнаму выдатнага здароўя і поспехаў у дзяржаўнай дзейнасці, а жыхарам Сінгапура — міру і прагрэсу.
