Мезенцаў абмеркаваў з кіраўніком «Газпрама» ўзаемадзеянне Беларусі і РФ у газавай сферы
Фота з архіва
21 лютага, Масква /Эдуард Півавар . Пытанні ўзаемадзеяння Беларусі і Расіі ў газавай сферы абмяркоўваліся 20 лютага на сустрэчы дзяржсакратара Саюзнай дзяржавы Дзмітрыя Мезенцава і старшыні праўлення ПАТ «Газпрам» Аляксея Мілера. Аб гэтым са спасылкай на прэс-службу расійскага газавага канцэрна.
«Адзначана, што супрацоўніцтва ўлічвае інтарэсы бакоў і мае ўзаемавыгадны характар. Гэта дапамагае фарміраваць адзіныя падыходы да стварэння энергетычнага рынку Саюзнай дзяржавы і прадоўжыць работу ў мэтах выканання рашэнняў Вышэйшага дзяржаўнага савета Саюзнай дзяржавы і дэкрэта «Аб асноўных напрамках рэалізацыі палажэнняў Дагавора аб стварэнні Саюзнай дзяржавы на 2024-2026 гады», — праінфармавалі ў прэс-службе.
Аляксей Мілер адзначыў, што будаўніцтва шматфункцыянальнага комплексу «Газпрам цэнтр» у Мінску з’яўляецца пацвярджэннем высокага ўзроўню супрацоўніцтва Беларусі і Расіі ў газавай сферы. Дзмітрый Мезенцаў праінфармаваў Аляксея Мілера аб пашырэнні колькасці напрамкаў узаемадзеяння Беларусі і Расіі ў рамках Саюзнай дзяржавы: цяпер да кампетэнцыі Савета Міністраў СД аднесены, у прыватнасці, такія сферы, як культура, навука, адукацыя, гуманітарная і грамадзянска-патрыятычная сферы.
«Аляксей Мілер расказаў пра вялікую работу, якую «Газпрам» праводзіць па захаванні гісторыка-культурнай спадчыны, каб маладыя пакаленні Расіі і Беларусі ведалі гераічны летапіс сваёй Радзімы, ганарыліся яе слаўнымі старонкамі», — дадалі ў прэс-службе.
