XXXII Дзень беларускага пісьменства
XXXII Дзень беларускага пісьменства* пройдзе 6-7 верасня ў Лідзе.
У розныя гады ўрачыстасці праходзілі ў гістарычных і культурных цэнтрах краіны: Полацку, Тураве, Навагрудку, Нясвіжы, Оршы, Пінску, Заслаўі, Мсціславе, Міры, Камянцы, Паставах, Шклове, Барысаве, Смаргоні, Хойніках, Ганцавічах, Глыбокім, Быхаве, Шчучыне, Рагачове, Іванаве, Слоніме, Бялынічах, Капылі, Добрушы, Гарадку, Івацэвічах.
Асноўныя тэмы мерапрыемстваў XXXII Дня беларускага пісьменства:
— 80-годдзе Перамогі ў Вялікай Айчыннай вайне,
— 500-годдзе выдання першай беларускай кнігі — «Апостала» Францыска Скарыны,
— Год добраўпарадкавання,
— юбілейныя даты класікаў беларускай літаратуры.
У праграме свята:
— навукова-асветная экспедыцыя «Дарога да святынь»,
— уручэнне Нацыянальнай літаратурнай прэміі,
— фестываль кнігі і прэсы (шырока прадстаўлены рэгіёны: кожная вобласць прэзентуе свой літаратурны патэнцыял, навінкі ў кнігавыданні),
— навукова-практычная канферэнцыя «Лідскія чытанні»,
— адкрыццё арт-аб’екта «Верабейкі» (архітэктурная форма створана паводле верша Валянціна Таўлая),
— гала-канцэрт рэспубліканскага конкурсу юных чытальнікаў «Жывая класіка»,
— круглыя сталы, аўтограф-сесіі з удзелам літаратараў,
-работа інтэрактыўных пляцовак бібліятэк, музеяў і грамадскіх аб’яднанняў,
— арт-квартал, горад майстроў, спартыўныя і іншыя пляцоўкі для дзяцей і моладзі,
— Дзень сярэдневяковай культуры ў Лідскім замку і іншыя мерапрыемствы.
* Дзень беларускага пісьменства — нацыянальнае свята, якое адзначаецца з 1994 года і праводзіцца ў мэтах прапаганды лепшых традыцый нацыянальнай культуры, друкаванага слова, духоўнасці беларускага народа.
Крыніца: Міністэрства інфармацыі Беларусі
