Ветранае з дажджом надвор’е чакаецца ў Беларусі 15 верасня
Фота з архіва
14 верасня, Мінск . У Беларусі 15 верасня прагназуецца ветранае з дажджом надвор’е. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Паводле даных сіноптыкаў, будзе воблачна з праясненнямі. Ноччу па Брэсцкай і Гродзенскай абласцях, а раніцай і днём пераважна па заходняй палове рэспублікі часам магчымы дажджы. Вецер паўднёва-ўсходні, паўднёвы парывісты. Днём у асобных раёнах краіны чакаецца ўзмацненне ветру парывамі 15-18 м/с.
Ноччу тэмпература паветра складзе плюс 9-15 градусаў. Днём паветра прагрэецца да 14-20 градусаў. Па ўсходзе краіны слупкі тэрмометраў пакажуць да +25.
