Трамп назваў «добрымі» шанцы на сустрэчу з Пуціным, а таксама на ўрэгуляванне канфлікту ва Украіне
Фота ТАСС і АР
7 жніўня, Мінск /Кар. БЕЛТА/. На думку прэзідэнта ЗША Дональда Трампа, ёсць добрыя перспектывы яго хуткай сустрэчы з Уладзімірам Пуціным і з Уладзімірам Зяленскім, а таксама шанцы на завяршэнне канфлікту ва Украіне. Аб гэтым паведамляе ТАСС са спасылкай на заяву амерыканскага лідара.
«Ёсць добрыя шанцы на тое, што вельмі хутка будзе сустрэча», — паведаміў Трамп. Адказваючы на пытанне аб тым, ці згадзіліся Пуцін і Зяленскі на правядзенне перагавораў, прэзідэнт ЗША адказаў: «Ёсць вельмі добрыя перспектывы таго, што яны гэта зробяць».
«Ёсць вельмі добрыя шанцы на тое, што мы зможам завяршыць гэты раўнд, завяршыць гэты шлях», — падкрэсліў лідар ЗША, гаворачы аб урэгуляванні канфлікту ва Украіне, і дадаў, што гэта «доўгі шлях».
Паводле даных газеты The New York Times, Трамп разлічвае на наступным тыдні правесці асабістую сустрэчу з Пуціным, а ў хуткім часе пасля гэтага — трохбаковую сустрэчу з удзелам Зяленскага.
Трамп 6 жніўня заявіў, што праведзеная сустрэча Пуціна і Уіткафа была вельмі плённай і на ёй дасягнуты вялікі прагрэс. Паводле слоў памочніка кіраўніка расійскай дзяржавы Юрыя Ушакова, размова Пуціна і Уіткафа была карыснай і канструктыўнай, расійскі бок перадаў некаторыя сігналы ў пытанні канфлікту ва Украіне, а таксама атрымаў адпаведныя сігналы ад Трампа.-0-
