Беларускія валейбалісты выйшлі ў фінал турніру на гульнях «Дзеці Азіі»
Фота НАК
5 ліпеня, Мінск . Беларускія спартсмены прадаўжаюць барацьбу за золата турніру па валейболе на VIII Міжнародных гульнях «Дзеці Азіі», якія праходзяць у Якуцку,
У пятніцу юнацкая зборная Беларусі-U16 згуляла паўфінальны матч супраць каманды Узбекістана, сустрэча закончылася з лікам 3:0 (25:18, 25:20, 28:26) на карысць нашых хлопцаў. Беларусы прадоўжылі серыю перамог да пяці матчаў, раней у рамках групавога этапу юнакі абыгралі равеснікаў з Уральскай федэральнай акругі (3:1), Якуціі (3:0), Казахстана (3:2) і Далёкаўсходняй ФА (3:0). У заўтрашнім фінале беларускія валейбалісты сустрэнуцца з пераможцам другога паўфіналу паміж зборнымі Сібірскай ФА і Казахстана.
Таксама 6 ліпеня за залатыя медалі гульняў «Дзеці Азіі» паспрачаецца наша каманда дзяўчат, процістаяць беларускам у фінале будзе Уральская ФА. Раней у папярэднім раўндзе нашы спартсменкі абыгралі саперніц з Узбекістана, Кітая і Далёкаўсходняй ФА (усе — па 3:0), а на стадыі адной другой фіналу таксама ўсухую разабраліся з Сібірскай ФА.
Пасля дзесяці дзён спаборніцтваў VIII Міжнародных гульняў «Дзеці Азіі» ў актыве беларускай дэлегацыі 76 узнагарод (25 залатых, 21 сярэбраная і 30 бронзавых), што адпавядае трэцяй пазіцыі ў агульнакамандным заліку сярод трыццаці зборных.
