Як педагогі выкарыстоўваюць ШІ ў сваёй рабоце, расказалі ў Акадэміі адукацыі
Навіны сюжэта
«Праект «Краіна гаворыць»»
Мінлясгас: да паляўнічых угоддзяў адносіцца каля 75 працэнтаў усіх зямель Беларусі
«Гэта разумны і каварны драпежнік». Чаму ў Беларусі дазволілі паляванне на мядзведзя
24 жніўня, Мінск . Загадчык кафедры педагогікі і менеджменту адукацыі Акадэміі адукацыі Інеса Бразгунова расказала ў праекце БЕЛТА «Краіна гаворыць» аб тым, як педагогі выкарыстоўваюць ШІ у сваёй рабоце.
У Акадэміі адукацыі разглядаюць штучны інтэлект як інструмент для настаўніка. «Гэта тое, што дапамагае рыхтаваць вучэбныя матэрыялы, прэзентацыі, тэсты, розныя заданні. Я таксама часта выкарыстоўваю ШІ, калі рыхтуюся да лекцый. Мне патрэбны нейкія канкрэтныя прыклады. Гэта, дарэчы, яшчэ адна сфера прымянення штучнага інтэлекту — праблема чыстага ліста. Нешта трэба напісаць, а што напісаць — незразумела. Таму ШІ накідвае, а мы потым правім ужо і гэтак далей», — прывяла прыклад Інеса Бразгунова.
Прыемна, што ўсе разумеюць: штучны інтэлект — гэта не вышэйшы розум і не ісціна ў апошняй інстанцыі, падкрэсліла яна. «Тое, што ён выдае, вядома, падлягае праверцы, перапрацоўцы. Напрыклад, калі я задаю нейкія пытанні, я, можа, 20 працэнтаў пакідаю ад таго, што ён прапануе, а далей ужо дапрацоўваю», — адзначыла спецыяліст.
*Праект створаны за кошт сродкаў мэтавага збору на вытворчасць нацыянальнага кантэнту.
