Захарава: мэтай беларуска-расійскай інтэграцыі з’яўляецца рэалізацыя інтарэсаў народаў дзвюх краін
Марыя Захарава. Фота ТАСС
28 лютага, Масква /Эдуард Півавар — БЕЛТА/. Мэтай беларуска-расійскай
інтэграцыі з’яўляецца рэалізацыя інтарэсаў народаў дзвюх краін. Аб гэтым
заявіла на брыфінгу афіцыйны прадстаўнік МЗС Расіі Марыя Захарава,
перадае карэспандэнт БЕЛТА.
«Наша пазіцыя заключаецца ў тым, што
мы знаходзімся ў Саюзнай дзяржаве і перад намі стаяць задачы па
абазначаных інтэграцыйных працэсах, пад якімі ёсць прававая база,
выпрацаваная калектыўна, сумесна. І мэтай яе з’яўляецца менавіта
рэалізацыя інтарэсаў дзвюх краін, двух народаў», — падкрэсліла афіцыйны
прадстаўнік МЗС РФ.
«Мне здаецца, усе жывуць менавіта ў такой
прасторы і нацэлены на ўмацаванне інтэграцыі і яе развіццё. Тут нават
сумненняў быць не можа», — дадала Марыя Захарава.-0-
