«Гэта было моцна, уражвала». Эйсмант расказала пра водгукі на візіт Лукашэнкі ў Кітай
Аяександр Лукашэнка ў час выступлення на саміце ў Цяньцзіні
6 верасня, Мінск . Прэс-сакратар Прэзідэнта Беларусі Наталля Эйсмант у інтэрв’ю тэлеканалу «Першы інфармацыйны» расказала пра водгукі, якія паступілі ў сувязі з нядаўнім візітам кіраўніка беларускай дзяржавы ў Кітай, .
Аляксандр Лукашэнка ў ходзе пяцідзённага візіту прыняў удзел у саміце Шанхайскай арганізацыі супрацоўніцтва, правёў серыю сустрэч і перагавораў з замежнымі лідарамі, уключаючы кіраўнікоў Кітая, Расіі і Індыі. Асобная ўвага была ўдзелена парадку дня ў развіцці беларуска-кітайскага супрацоўніцтва, чаму быў таксама прысвечаны шэраг сустрэч з бізнес-коламі. На заканчэнне візіту Прэзідэнт Беларусі разам з амаль трыма дзясяткамі іншых высокіх гасцей прыняў удзел у святочных мерапрыемствах, прысвечаных 80-годдзю Перамогі над японскім мілітарызмам і заканчэння Другой сусветнай вайны. Цэнтральнай падзеяй урачыстасцей стаў маштабны ваенны парад на галоўнай плошчы Пекіна.
Наталлю Эйсмант папрасілі падзяліцца атмасферай у ходзе візіту і рэакцыяй — што гавораць пра Беларусь. «Сапраўды рэакцыя ёсць, рэакцыя сур’ёзная. Мы яе бачым, чуем практычна ўжо тыдзень», — сказала яна.
Па выніках саміту было атрымана шмат водгукаў, якія паступалі ў тым ліку непасрэдна прэс-сакратару. Гэта, напрыклад, рэакцыя ад прадстаўнікоў экспертнай супольнасці, і не толькі беларускай. «Людзі ініцыятыўна пішуць, тэлефануюць, выказваюць меркаванні, прапановы», — адзначыла Наталля Эйсмант.
Яна не стала даваць свае ацэнкі або падводзіць вынікі, а толькі працытавала водгукі ў цэлым на праведзены візіт Аляксандра Лукашэнкі: «Нашы эксперты, людзі вельмі сур’ёзныя пісалі так: «Кітай — гэта было моцна, Кітай — гэта выклікала ўражанне». Вось такія ацэнкі прагучалі».
Прэс-сакратар адзначыла, што Беларусь ужо год з’яўляецца паўнапраўным удзельнікам ШАС, і за гэты год праведзена вялікая работа: «Нашы дэлегацыі, усе адказныя ведамствы на ўсіх узроўнях прымалі ўдзел ва ўсіх сустрэчах, абмеркаваннях, выпрацоўвалі ініцыятывы, самі ініцыявалі абмеркаванне пэўных пытанняў, пэўныя рашэнні і гэтак далей. Гэта сапраўды была вельмі насычаная работа, насычаны шлях. І нядаўна праведзеныя саміты ШАС (размова аб пасяджэнні Савета кіраўнікоў дзяржаў ШАС, а таксама аб сустрэчы ў Пекіне ў фармаце «ШАС плюс». — Заўвага ) — гэта кульмінацыя ўсёй гэтай гадавой работы, калі ў максімальна канцэнтраваным выглядзе ўжо кіраўнік дзяржавы з высокай трыбуны агучвае ўсё тое, што мы напрацавалі і ўсё тое, што мы маем сказаць у рамках ШАС».
Наталля Эйсмант падкрэсліла, што Беларусь ніколі не з’яўляецца пасіўным удзельнікам ніякіх аб’яднанняў, а Прэзідэнт заўсёды гаворыць тое, што мае сказаць. «Мы, вядома, разлічваем на ШАС, для нас гэта вельмі важнае аб’яднанне. Тым не менш, Прэзідэнт заўсёды гаворыць абсалютна выразна, адкрыта аб нейкіх нюансах і шурпатасцях. Яшчэ больш аб задачах гаворыць. Ну і вядома аб тым, што зроблена. Таму ўсе ведаюць, што нашага Прэзідэнта слухаюць уважліва».
