Грамадства
Да +29°С і ў асноўным без ападкаў. Якім будзе надвор’е ў першы дзень восені
31 жніўня, Мінск . Якім будзе надвор’е ў першы дзень восені, расказалі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У панядзелак, 1 верасня, чакаецца пераменная воблачнасць, будзе пераважна без ападкаў. Толькі ноччу па поўначы пройдуць кароткачасовыя дажджы, месцамі навальніцы. Ноччу і раніцай у асобных раёнах магчымы слабы туман. Вецер прагназуецца ноччу няўстойлівы, днём паўночна-ўсходні ўмераны.
Тэмпература паветра ноччу складзе 12-17 градусаў вышэй за нуль, месцамі — плюс 9-11. Днём будзе 19-25 градусаў, па поўдні — плюс 26-29.
